8. Oktober 2011...

...var endeleg taket heilt ferdig! Etter mange, lange og tunge timar... Nye spir, takrenner, mønebeslag og pipebeslag er på plass. Nå har byggherren "pakka" sammen før vinteren kjem, og nå skal me bruke resten av hausten og vetteren på å planlegge det vidare arbeidet. Det er mykje å grubble på, for til våren er det tid for ny kledning, nytt påbygg og nye, eller nygamle, vindauge! Me gledar økken!

Dette er faktisk siste innlegget som har etikketten Tak... 

Nesten litt rart å tenkje på... Men du verden så godt! 

 

Taket er ferdig!!

...iallefall nesten. Kun isborbeslag, spir og mønebeslag manglar, men skiferen er lagt! Og du verden så fint det har blitt! Eg og byggherren svevar rundt med eit bredt glis om munnen, me er så utruleg fornøgde med resultatet. Det blei mange gonger finare enn me hadde drøymt om! Byggherren fekk endeleg betalt (godt) for alt strevet han har hatt med dette taket. Å få taket ferdig har også ført til at motivasjonen til å fortsette arbeidet har nådd uante grenser! Nå kan me nesten ikkje vente med å fortsette på arbeidet som gjenstår! :-)

                                               

Litt dårleg kvalitet på bilda...

  

Endeleg!

...er arbeidet med å legge skiferen i gang! Utruleg, men sant! Me er heilt i 100 både eg og byggherren, kan mest ikkje vente med å få sjå det ferdige resultatet!

...og så var blikkenslagaren ferdig!

Då er endeleg blikkenslagaren ferdig med å montere takrenner og gradrenner på Nesmark. Det er ei stund sida, faktisk, men eg er litt treg med å oppdatere bloggen... Det var stor stas å sjå at takrenner og gradrenner endeleg var på plass, og sånn heilt plutseleg gjekk det opp for oss at taket faktisk snart er ferdig! Byggherren er svært fornøgd, og ikkje minst letta. Dette taket har ikkje vore særleg "samarbeidsvillig" om ein kan kalle det! ;-)
Ei STOR bekymring dett sakte, men sikkert av byggherrens skuldrar...

Må kanskje vere litt forsiktig med kva eg skriv nå...-steinen er jau ikkje lagt endå... sagt med med andre ord: mykje kan endå gå gale... Me held nemmeleg på og spøkjer om at avstanden mellom lektene er for liten eller for stor, og at dette vil føre til at steinen ikkje kan leggjast i haust alikavell... ;-) La oss håpe at spøk ikkje blir til alvor, for på måndag skal arbeide med å legge skiferen starte!

Den lille detaljen som syns på takrenna i forrige innlegg skulle eigentleg ha vore på våre takrenner også, men det er det ikkje... Kvifor me ikkje fekk dette er usikkert, byggherren trur kanskje at det kan ha med leverandøren av takrennene å gjere... Dette syns eg var litt skuffande med ein gong, men eg skjønnar jau at dei ikkje kunne lage nye bare på grunn av meg og mine sære ynskjer. Når alt kjem til alt spelar det jau ingen rolle heller, for ingen ville ha sett desse detaljane uannsett, fordi dei er ca. "bitte små" og takrennene heng veeeldig høgt oppe...

Nå kjem blikkenslagaren!

Byggherren og eg kan mest ikkje tru det er sant! Men det er det! :-) Nå er nye spir (dvs delar av dei), vindskibord og pannebord på plass, og i morgo kjem blikkenslagaren frå Kviteseid for å få på plass gradrenner og takrenner. Det skal bli så moro!

Me har valgt takrenner i sink. Mest av alt fordi me syns det er veldig fint, og me er sikre på at Nesmark vil kle desse svært godt! Pluss at sinkrenner er svært holdbare.

Bildet er henta her

Nye spir!

Det nærmar seg tida for legging av skifer og derfor må nye spir, vindskibord, pannebord, takrenner +++ vere "klappet og klart"! Me held på med litt av kvart med andre ord. Legg også merke til ME, nå har endeleg eg fått anledningen til å bidra med noko! :-) Byggherren er i gang med å lage nye spir, det er ein krevande jobb, men trur faktisk at han syns det er litt artigt også! Eg held på med grunning og måling av vindskibord og pannebord. Må også nemne at me har fått mykje hjelp av byggherrens mor og min svigermor til grunning og måling tidlegare i prosessen, og ho har nok ikkje måla siste strøket endå heller! He he... ;-)

Endeleg ferdig med lektinga!

Me kan mest ikkje tru det er sant! Men i dag, 16.juli var Byggherren ferdig med å lekte taket på Nesmark! Endeleg var værgudane på vår side + at det er to som skal ha ein STOR takk! Min pappa og Byggherrens svigerfar Rolf, og Olav, bror av Byggherren har gjort ein uvurderleg jobb på taket sammen med Byggherren! Uten hjelp frå dei ville nok ikkje taket vore ferdig lekta i dag... mange 1000 takk til dykken båe to!

Taket er langt i frå ferdig, men det som er at nå er "små" ting i forhold! Legging av skifer er forsåvidt ikkje ein liten jobb det heller, men den skal jau andre gjere ;-) Nå tek derfor Byggherren seg ein velfortjent ferie! I morgo pakkar fam. Gaastjønn "bæggen" og reiser til Stavern. Der skal me vere ca. ei veke! :-)

Etter ferien skal Byggherren til med nye spir og vindskibord! 

Me gledar økken! ;-) 

Endeleg tid for lekting!

Etter ein lang og regnfull junimånad har endeleg taket blitt rett og tett atte! Det vil sei den delen som Byggherren måtte ta på nytt! Nå har Byggherren sett i gang med å lekte, og nå ser me endeleg ein ende på takprosjektet! :-)

Valg av type tak er også tatt. Etter å ha grubbla og lura i ei god stund nå har valget falt på Alta skifer, type firkantstein i str 18"x18" (47cm x 47cm). Gurimalla som me gledar oss til å sjå det endelege resultatet! 

Må også nemne at me tidlegare i sommar brått og uventa fekk 5 nye familiemedlemmar. I uthuset på Nesmark hadde ei av "Verkets kjetter" ordna seg eit lite rede i ei gamal basskasse, og den 6.juni oppdaga Byggherren 5 søte, små  kattungar inne i basskassa si! Me hoppa ikkje i taket av glede akkurat, snarare tvert imot... Ikkje missforstå meg, kattar er super snåle dyr og me har hatt ein plan om å skaffe oss katt når me ein gong er klare til å flytte inn på Nesmark, men ikkje nå og ikkje 5! Men på mirakuløst vis har me klara og fått gjedd bort 3! 2 har teke turen til Kvipt og 1 har flytta til Dalen til bror av Byggherren og hans familie, og dei 2 som då var att har flytta inn til oss på Gaastjønn! ;-) 

På bilde over ser de tre av kattungane, den gråspraglete er ein av to som reiste til Kvipt, den svarte i midten har reist til Dalen og den andre svarte katten har flytta inn til oss. På bilde under ser de den andre katten som har flytta inn til oss på Gaastjønn... Litt strevsamt er det jau, men det er jammen snålt også! ;-) 

Oppdatering...

Kva er ein blogg? Eg av alle burde vite det, som dette studieåret har tatt 30 stp i IKT i læring... Vel, i følge boka didIKTikk er ein blogg "ei oppdatert internettside"... -og mykje kan dermed tyde på at eg har gått glipp av noko vesentleg i undervisninga...

Så nå når eg har fått klarhet i kva ein blogg er er det på tide med ei oppdatering!

Så langt er det få synlege endringar som har skjedd på Nesmark. Planen var jau å gjere taket klart til legging av takstein eller evt skifer, men den planen skar seg... Det viste seg at det hadde sige voldsomt på den eine delen av taket, den delen som vart fyrst ferdig i fjor sommar, og taket var med andre ord ikkje rett på den delen lenger. Så då var det bare å rive på nytt! Dette var ikkje moro, og byggherren hadde mange "stygge" tankar om kva han ville gjere med dette grusome huset, men heldigvis har ingen grusom hending funne stad, og det har vist seg at ingenting er så ille at det ikkje er godt for noko. Denne delen av take var nemmeleg den einaste som det ikkje vart lagt nye sperrer på i fjor, noko som har plaga byggherren "litt", og nå fekk han jau retta opp i dette! ;-) Arken som stend på denne delen av taket blir og heilt ny nå, noko me også er veldig glad for. Så alt i alt var ikkje denne "uheldige" situasjonen så uheldig alikavell! Det einaste uheldige med dette er at ca 1 mnd har gått med til dette arbeidet, det dårlege og ustabile været har ikkje gjort ting enklare, men kven sa at me ønska å ha det enkelt då!?

Sommaren 2010...

                                             

Sommaren 2011...

                                           

Endeleg ferdig!!!

Då var taket, endeleg, tett! Det har jammen teke tid, men så har det til gjengjeld blitt veldig bra! Resten av arbeidet på take skal gjerast til neste år... :)

Må ta med dette "søte" bildet her:
ei lita flaggermus hadde nemmeleg funne seg til rette under pappen på taket...

Snart slutt - del 2...

Ein ting må ein vist lære seg når ein held på med restaurering av gamle hus - ein må ALDRI tru at ting er så enkelt og greit som det fyrst kan sjå ut til - bak ein toleg fin fasade kan det gøyme seg utruleg mykje råte... Det har min stakkar byggherre fått erfare, nok ein gong... Det som skulle bli siste og avsluttande del på takprosjektet blei vist noko meir... Her også må HEILE veggen rivast og byggast opp på nytt! Med andre ord det er IKKJE snart slutt på takprosjektet! Me hadde faktisk håpa å kunne feire at take var ferdig i desse dagar, men i staden må me regne med at ein ny månad går med til å få taket ferdig... Utruleg kjedelegt når ein hadde sett føre seg noko ana...




På bilde over står min kjære far og betraktar elendigheten...-då såg det ikkje så altfor gale ut,det skulle vise seg å bli mykje verre enn detta...

Snart slutt...

...på takprosjektet! "Del 3" er endeleg ferdig oppretta og dekt med papp! Byggherren ser ein ende på det som har vore eit tidkrevande og til tider ganske frustrerande prosjekt! :) Nå må me bare håpe at det blir mykje fint væir dei neste vekene slik at 4. og siste del av taket kan gjerast ferdig...

Her er 3. delen av taket nesten ferdig,manglar bare litt papp!

På tide med litt oppdatering...

Då var endå ein del av taket ferdig, endeleg (!!!), "topp" laget manglar, men det kjem fyrst på seinare. Denne delen av taket viste seg å bli litt meir omfattande enn byggherren fyst hadde regna med... Mykje røte, så og sei alt, måtte fjernast og bytast ut... Men det blei nå veldig bra til slutt...

"Litt" ekstra arbeid...

...blei det når det viste seg at heile verandan måtte fornyast... Muren under verandan hadde sigi ganske mykje, og for at resten av "byggverket" skulle bli bra måtte byggherren gå grundig til verks. Gunnar Dahle med gravemaskina si blei bestillt, og den gamle muren blei fjerna og ny steinmasse blei fylt på for å gje eit godt grunnlag til den nye muren. Og nå er det klart for muring.

OBS!

Eg må rette opp i ein liten feil! Eg har kome til å kalle kameraten til Gjermund for Knut Einar, dette er sjølvsagt ikkje rett - det skal vere Tor Einar! Er litt "tåkete" i toppen for tida...

...sidan eg fyrst er i gang...

...kan eg jau like godt fortsette! Som sagt er eine delen av taket ferdig. Byggherren har tatt til på neste del. Ein del som ganske sjølvsagt har bydd på mange utfordringar! Taket på denne delen er svært bratt, og det viser seg å vere veeeeldig mykje råte...

Fremdeles litt vanskar med blogging...

Bilda i forrige innlegg kom i feil rekkefølge... Litt tull med avstandar mellom tekst og bilder har det og blitt... Gidd ikkje endre noko så det får vere som det er!

Ting tek tid...

Det gjeng sakte, men sikkert framyvi. Me (dvs Gjermund...) held fremdeles på med taket, eit prosjekt som me sannsynlegvis vil halde på med heile sommaren. Men nå er iallefall ein liten del av taket ferdig. Burtsett frå "topplaget" (som mest sannsynleg blir skifer, om ikkje planane endrar seg i løpet av sommaren...) det kjem fyrst på når heile taket er ferdig. Ting tek tid, særleg når ein steller opp gamalt, det dukkar stadig opp nye utfordringar, både små og store...-til byggherrens store fortvilelse... Ikkje alltid like lett å sjå framover... Men utfordringar er til for å løysast, og som oftast går det veldig bra! Det må også nemnast at me får mykje hjelp, pappa Rolf (min pappa), mor og far (til Gjermund) og Knut og Einar (Gjermunds brødre) har vore til stor hjelp. Knut Einar (kammerat av Gjermund) var med nokre dagar heilt i starten, men vart sjuk,og har sidan ikkje hatt anledning til å vere med... Eg har ikkje oversikt over alle byggetekninske detaljar som er gjort, men me har teke masse bilder. Desse fortel litt om kva som har skjedd sidan sist.